بدائل للمبتدئه :
الميلك (يستخدم لإزالة المكياج وتنضيف البشره قبل الغسول) = زيت جونسون للأطفال أو حليب سائل .. أو زيت زيتون .. أو زبادي < نتائجه أفضل وأرخص ومع الوقت راح تحسين بشرتك صارت نضره <3
التونر (يستخدم بعد غسل الوجه بالغسول لإغلاق المسامات) < فيه مواد كيميائيه لايوضع على المنطه اللي حول العين = البديل ماء ورد بارد وقطن < يستخدم للوجه كامل
البرايمر او البيس (كريم يوضع قبل كريم الأساس) = ماء ودر لإغلاق المسامات , بعدين تستخدمين أي كريم مرطب عندك .. بحيث يكون حاجز بين بشرتك وكريم الأساس
كٌريكتر اُورنج (مصحّح لون للهالات السوداء او اي بقع سوداء) = يستخدم قبل وضع الأساس وخافي العيوب لتصحيح اللون الأسود والرمادي .. البديل : أي روج برتقالي غامق .
كريم الأساس اللي تستخدمينه ثقيل ؟ تحسينه يتكتّل ؟ = إخلطيه مع شوي كريم مرطب
كريم الأساس اللي تستخدمينه ثقيل ؟ تحسينه يتكتّل ؟ = إخلطيه مع شوي كريم مرطب
فرشة كريم الأساس = ممكن توزعين بأصابعك بتعطيك تغطيه خفيفه وطبيعيّه ذذ .. ولو تبين تغطيّه نفس تغطية البرش إنتضري شوي وحطّي طبقه ثانيه من الأساس بيكون متوزع بشكل أفضل من البرش
فرشة الباودر= ممكن تستخدمين السفنج اللي تجي مع الباودر .. يثبت لك الأساس أكثر , وتمتص الدهون اللي تفرزها البشره <3
فرشة نحت الوجه (الكنتور) = فرشة البلشر أو أصابعك
فرشة البلشر (أحمر الخدود) =إستخدمي الفرشه اللي تجي معه
رموش تركيب = حطّي ثلاث طبقات مسكره .. يعني حطّي مسكرا ولما تنشف حطّي طبقه ثانيه راح تلاقين بكل مره تزيد حجم رموشك .. وأهم شي تحطين المسكرا بشكل صحيح عشان ماتتكلتل وعشان تعطيك النتيجه المرجوّه ذذ وكحل سايل فوق العين بشكل ناعم
كحل سايل = ممكن تستبدلينه بكحل جاف أو حتّى شدو أسود أو بنّي < أحيانًا يعطي لوك أجمل
روج = مرطب وشدو .. أو فازلين وشدو .. تحطين ع شفايفك مرطب بعدين تحطين بإصبعك شدو عن طريق الطبطبه (التربيت) .. بيطلع شكله النهائي مات يعني مافي رطوبه .. لو ماتحبين هاللوك حطي فوقه مرطب أو فازلين .. والطريقه الثانيه إنك تخلطين المرطب والشدو بعدين تحطين منّه بس بيطلع اللون خفيف وبتستهلكين شدو كثير ويمكن مايعجبك .
^ ممكن تستخدمين هالحركه لتجربة لون معيّن على شفايفك قبل تشترينه
كحل داخل العين أبيض أو زيتي أو أزرق = شدو .. قبل لا أقول الطريقه ممكن ماتناسبك يعني تكون عيونك حساسه او الشدو حقك مجرثم أو قديم جدًا .. بالنسبه لي ناسبتلي .. فيه أكثر من طريقه :
أول طريقه :تجيبين السفنجه اللي تجي مع كل علبه شدو اللي يجي شكلها مثلث صغير .. حطّي ع زاويتها شدو بعدين هزيها عشان يطيح الشدو الزايد .. وحطي داخل عينك بالطبطبه .
الطريقه الثانيه : تحكين الشدو بشي حاد مثل مسطره عشان يكون على شكل بودره سائبه مو مضغوطه .. بس طبعاً حكيه شوي , مو نص الآي شدو تخلينه باودر ! بس شوي .. بعدين جيبي الفرشه اللي تجي مع الآي شدو وبلليها بمويه شوي بعدين سوي نفس الطريقه الأولى بوضعه على داخل العين . هالطريقه راح تخلي اللون قوي أكثر وثابت . أحيانًا أستخدمها حتىّ لو عندي كحل .
^ ممكن تستخدمين هالحركه لتجربة لون معيّن على عينك قبل تشترينه
شدو مائي = كحل أو روج وثبتيه بشوي شدو عادي
الشدو مايثبت أو لما تحطينه يطلع خفيف او باهت ؟ = إذا أسود حطّي قبله كحل وفيه طريقتين لوضع الكحل : إما تحطينه ع الجفن دايركت أو تلونين إصبعك بعدين تحطينه ع الجفن .. وإذا وردي أو بني حطّي قبله روج وردي أو بني أو ممكن تستخدمين محدّدات
ماك فكس (مثبت المكياج ومنعش البشره من ماك يستخدم لتثبيت المكياج والآي شدو والكحل ويعطي مظهر صحّي للبشره ولو زدتي منّه يعطيك دوي لوك يعني لمعه طبيعيّه لبشرتك وله إستخدامات ثانيه)= البديل فيه طريقه صنعه في البيت نتائجه أفضل لأنه طبيعي ومافيه مواد كيميائيه .. إكتبوا بقوقل:المنتج السحري ماك فكس بلس/ فوائده وكيف نسويه في البيت؟؟
الشّي اللي ما أعتقد له بديل ولازم يكون عند كل وحده فينا :
* غسول الوجه , ومقشّر الوجه .. لأنهم خاصّين ببشرة الوجه ينضفون بعمق بنفس الوقت خالين من مادة الصابون اللي تحرق الوجه .
موجودين بأي صيدليّه ماركة جونسون أو نيتروجينا ما أذكر السعر بس تقريبا 20 ريال .. بس خوذي اللي خاص ببشرتك , يعني لو بشرتك جافه خوذي غسول للبشره الجافه .
كيف تعرفين نوع بشرتك ؟ بإختصار إذا تعانين من حبوب يعني دهنيّه إذا بشرتك مافيها حبوب ولا لمعه أبدا أو ملمسها جاف
يعني جافه .. وإذا فيها لمعه خفيفه ولا فيها حبوبيعني عاديّه <3
إذا عندك حبوب بجبهتك أو بالأنف أو الذقن بس باقي الوجه تحسينه جاف أو عادي يعني مختلطه
ويطول الشرح بخصوص هالموضوع وفيه طرق كثير لمعرفة نوع البشره .
* واقي شمس 50 .. لازم يكون من روتينك اليومي لأنه يحمي من أشعة الشمس الضاره
اللي تسبب كلف ونمش وحبوب وتجاعيد وسرطان الجلد
إستخدمي واقي شمس مناسب لبشرتك ويكون شفاف مافيه لون يفضل يكون 50
أكثر من كذا غير معترف فيه .. موجود بالصيدليات
* فرشة دمج الآي شدو . ممكن تاخذينها لحالها من محلات رخيصه مو شرط تكون غاليه أو مع مجموعه
يتبع ...
