" نبدأ الدّرس "
راح نحتاج :
* شدو ألوان ترابيه
* البرش اللي تجي مع علبة الشدو أو الإسفنجه .. وإذا مو عندك ممكن تستخدمين أصابعك =)
الوان ترابيه :
* بيج فاتح
* بيج غامق
* بني
* وبني غامق
طيّب لو ماعندك هالألوان ؟
* ممكن تستخدمين بدل البيج الفاتح أبيض
* بدل البيج تستخدمين الباودر اللي تستخدمينها لتثبيت مكياجك
* بدل البني رمادي أو كحلي او زيتي
* بدل البني الغامق أسود أو كحل جاف أو لون أغمق من اللون اللي إخترتيه قبل
( أفضّل ألوان تُرابيّه لأنها هاديه وقريبه للون البشره وتناسب كل الأوقات وكل اللوكات
وممكن تكون كَ كنتور للعين وأسهل بتطبيق الدرس ولو تعلمتي الطريقه ممكن تلعبين بالألوان بعدين )
جودته عاديه بس حبيت ألوانه , وإنه مايعطي لون قوي .. ينفع يومي صباحي
الفرشه اللي فوقه حالياً ما أستخدم هالنوعيّه أبداً بس الشرح اليوم راح يكون عليها بما إن الموضوع مخصص للي مايعرفون ميك أب ولا عندهم أدوات .
...
أهم شي لما تبين تحطين ميك أب تنظفين وجهك بالميلك (ممكن تستخدمين بداله حليب .. أو زيت زيتون .. أو زبادي .. أو زيت جونسون) بعدين تغسلينه بغسول .. بعدين تستخدمين التونر
(تستخدمين بداله ماء ورد) .. ولما ينشف تحطين أي كريم مرطّب لو فازلين
وإذا صباح تحطين بدل الكريم المرطب .. كريم واقي من الشمس 50
بعدين تحطين كُريكتر اورنج على الهالات السوداء (ممكن تستخدمين بداله روج برتقالي غامق) < إذا عندك هالات سوداء غامقه أو بقع غامقه .. عشان لما تحطين خافي عيوب مايكون رمادي
هذا باليت الوان مصححه من فور إفر :
شريته بس عشان اللون البرتقالي :) سعره تقريبًا فوق الميه والأربعين
الروج البرتقالي من ريفلون سعره 40 تقريبًا ناسبني أكثر لأنه برتقالي على أحمرخفيف
بس هذا فاتح وعلى بيج :/
مو واضح اللون بالصوره عشان الإضاءه
...
- بعدين تحطين كريم الأساس بشكل متساوي .. إذا صباح حطّي تغطيه خفيفه
- بعدين نثبّت الأساس بالباودر .. بس إذا بشرتك جافه مو لازم باودر
نحط الكونسيلر (خافي العيوب) بهالشكل .. بعدين ندمجه بطريقة الطبطبه
- مُهمّه هالخطوه تعطي إشراقه للوجه وجمال حتّى لو ماعندك هالات .
إذا ماعندك كونسيلر ممكن تحطين ثلاث نقاط من الأساس اللي تستخدمينه وتثبتينه بالباودر
...
هذا الكونسيلر بعد الدمج :
...
بعدين تحطين البيج الفاتح أو الأبيض بمدمع العين
وتسحبينه بإتجاه الأسهم .. أهم شي الإتجاهات .. وركزي على بداية السهم ونهايته
...
بعد الدمج :
شكل تقريبي .. طبعاً شغلي بالفوتوشوب لو واقع بيطلع أجمل أكيد
الحين نحط اللون البيج على الجفن المتحرك بهالشكل
...
بعد الدمج :
...
الحين نحط اللون البني على عظمة الجفن من برا .. تحديداً بالزاويه الخارجيّه بهالشكل ^
...
الحين نحاول نسحبه للداخل .. ركزوا على إتجاه السهم وبدايتة ونهايته
...
بعد الدمج :
...
الحين نحط اللون البيج عن كسرة الحاجب نفس الصوره ^
...
بعدين نسحبه بإتجاه السهم.. ( من الوسط إلى الخارج )
...
و الآن من الوسط إلى الداخل .
...
بعد الدمج :
^ ينفع كنتور للعين (نحت)
...
الحين نحط شدو بني فوق الرموش العلويه والسفليه على الربع الأخير من العين
بإستخدام شدو بزاوية الإسفنجه .. أو محدد بني أو كحل بني
...
بعدين ندمجه بالإسفنجه .. ركزوا على بداية السهم ونهايته
ولا ننسى الرموش اللي تحت نسوي فيها نفس الطريقه
...
بعد الدمج :
هاللوك ينفع صباحي , مع مسكرا وروج فاتح
...
إذا تبينه مسائي أو أقوا :
حطّي اللون البني الغامق .. أو ألأسود .. بس يفضل بني غامق عشان يكون أسهل لك بالدمج
حطيه بنفس شكل الصوره يعني يبدا عريض بعدين يصغر تدريجيًا
ممكن تحطين بداله ثلاث نقط بالكحل الجاف أو محدد بني غامق بعدين تدمجينه تسحبينه بإصبعك بإتجاه السهم أو بالإسفنجه .
...
بعد الدمج :
...
هالخطوه كثير يجهلها وهي إضافة لون وردي على الوجنات أو زهر فاتح مهما كان مكياجك .. مسائي أو صباحي
برونز أو عادي .. بعد الدمج مع البرونز يعطي لوك كأن بشرتك نضره ومورده
...
بعد الدمج :
...
كنتور الأنف :
أهم شي اللون يكون بني بأندر تون رمادي , يعني بني مايل شوي على رمادي نفس الصوره , ممكن تدمجين بني مع رمادي .. تحطينه بأصابعك مِن تحت لفوق وتوصلينه لتحت الحاجب
...
بعد الدمج :
...
فتّحت لون الروج خليته على وردي :
نهاية حاجبها غلط ! .. ولونه غامق مره .. ويبيله تعريض شوي
...
رسم الحواجب :
حواجبها لونها أسود إخترت لون فاتح عشان لما يندمج مع لون حاجبها يفتحه شوي بيكون أجمل
ونهاية حاجبها غلط عدلته .. وعرضت الحاجب شوي
...
بعد الدمج :
...
ضيفي كحل لو حابّه :
...
رسم الكحل :
نبدا برسم الكحل من نص العين إلى لخارج .. لمين نهاية السهم بس
...
بعدين ارسمي من بداية العين إلى النص .. وآخر شي الزاويه الخارجيّه
آخر شي وأهم الشي المسكرا .. وكحل بيج أو أبيض داخل العين إذا حابه
...
النّتيجه النهائيّه :
ميك أب خفيف جداً بنفس الوقت يعطي لوك أنيق وجميل
هو يبرز ملامحك أكثر من إنه مكياج .. يناسب الدوام والجامعه والمناسبات البسيطه
* بس في حال إخترتي ألوان غامقه أو فيها قلتر/لمعه فهو يناسب الليل أكثر .. والمناسبات الكبيره .
النتيجه راح تكون تقريبًا نفس هالصُور :
هو يبرز ملامحك أكثر من إنه مكياج .. يناسب الدوام والجامعه والمناسبات البسيطه
* بس في حال إخترتي ألوان غامقه أو فيها قلتر/لمعه فهو يناسب الليل أكثر .. والمناسبات الكبيره .
النتيجه راح تكون تقريبًا نفس هالصُور :
بس هذي معرضه الكحل وحاطه كحل أسود تحت وأبيض داخل العين .. وعدسات و رموش
ونفس هالصّوره كيم كرديشيان .. بس هي مختاره لونين فقط .. خوخي مع أبيض
واضح إنها حاطه خط بالكحل الجاف على عظمة الجفن .. بعدين دمجته بإصبعها , وحطت فوقه شدو رمادي
وعدسات <3
أول مره يعجبني مكياج بألوان كثيره وفاتحه .. هي إختارت لونين .. مع الأسود ولون أزرق داخل العين
ورموش وعدسات
^ كحلي وأبيض .. كحل أسود داخل العين
^ بيج مع بني
^ وردي وأبيض .. ومسكرا
^ أبيض وبني وأسود .. وتحت الحواجب بيج .. وكحل بني داحل العين .. ورموش وعدسات
* بيرفكت للمناسبا المسائيه
^ ذهبي وبني وأسود .. مع كحل أسود داخل وخارج العين
^ بما إن فيه لمعه فمايناسب صباحي أبداً
أبيض وفوشي وبنفسجي .. وزيتي تحت العين
...
لما تتعلمين هالطريقه راح تقدرين تسوين ميك اب خاص بالليل أو صباحي وتلعبين بالألوان
أفضل شي تبدين بالألوان الترابيه لأنها تناسب كل البشرات وسهله بالدمج .. لو ماعندك إستخدمي الموجود
قريبه من الطريقه اللي كتبت عنها .. بس هي مادمجت الألوان
مرررررة شكرا الله يعافيك ويفرج همك
ReplyDeleteساعدتيني كثير شكرا جزيلا لك
انا كمان استفدت جامد شكرا
ReplyDelete